Helseføretaka må vekk – folkevalgt styring av helsetenestene no!
Stortingsrepresentant og nestleiar-kandidat i Senterpartiet, Kjersti Toppe, slår fast Senterpartiets mål: Helseføretaka skal leggast ned innan 1. januar 2027.
– I alt for mange år har vi hatt helseminister etter helseminister som har styrt etter «armlengdes avstand»-prinsippet. Helseministrar i dag har fått svært lange armar – og det er ikkje bra!
Toppe meiner sjukehusa må vere under folkevald kontroll, at det må kuttast i helsebyråkrati og fjernast ledernivå og direktørvelde. Helsetenestene er så grunnleggande viktige i samfunnet at dei må vere under folkevald styring og at det er Stortinget som vedtek prioriteringane.
– Vi må endre måten å finansiere sjukehus på, ved å skilje investering og drift. Berre slik sikrar vi at nye sjukehusbygg vert bygd med stor nok kapasitet. For å skikre sjukehusberedskapen i krig og krise, må kapasiteten opp. Difor må ingen sjukehus leggjast ned, og sjukehusbygg må ikkje selgast.
Våre offentlege sjukehus skal drivast med mål om å gi best mogleg behandling til pasientar, ikkje etter økonomiske mål, som om det var eit privat firma. Sp vil ha slutt på sentraliseringa av helse- og omsorgstenestene, slutt på nedlegging av sjukehus og slutt på sal av sjukehusbygg.