VÅR POLITIKK – For heile Gol

Det skal vera attraktivt og trygt å bu i Gol heile livet. Me vil arbeide for gode oppvekstvilkår og trygge møtestader for barn og ungdom. Eldre må få bu heime med nødvendig hjelp så lenge dei ynskjer det, og få omsorgsbustad eller sjukeheimsplass når dei treng det. Folk må få gode offentlege tenester i nærmiljøet. Kommunen må støtte opp om det allsidige kulturlivet og det frivillige arbeidet som finst i Gol, og medverke til vidareutvikling.

Gol kommune må legge til rette for eit grønt, mangfaldig og framtidsretta næringsliv. Det må finnast arbeidsplassar for unge med høgare utdanning. Me må ta godt imot folk som flytter til Gol.

Senterpartiet vil ta vare på og styrke den tilliten me har til kvarandre og til styresmaktene, og arbeide mot sentralisering og overdrive byråkrati. Me er glade for at Buskerud fylke gjenoppstår.

Me ynskjer eit levande og berekraftig landbruk som tek vare på matkulturen vår og kulturlandskapet.

Digitalt 29. januar 2022 - kl. 10 - 16.