Sauda

Senterpartiet og Kristeleg Folkeparti har inngått budsjettsamarbeid for Budsjett 2024. Partia stiller seg i hovudtrekk bak kommunedirektørens framlegg til budsjett, men ønskar å sette retning og prioriteringar for det kommande året og økonomiplanperioden.

Sauda har ei utfordring som meir eller mindre overskyggar alt. Me treng fleire folk til å driva tenestar og arbeidsliv, men og for å finansiera dei kommunale tenestene framover. Me skal bli fleire eldre og for å møta denne utfordringa må me satsa på attraktivitet, bu-lyst og på barn og unge. Det er folk i arbeidsfør alder me vil ha tak i – og då må tenestane og oppvekstvilkår for barn og unge prioriterast. Sauda kommune driv tenestar innanfor helse og velferd dyrare enn andre kommunar – og då blir det i våre auger feil å vri omstillingsfokuset i så stor grad over på oppvektssektoren som kommunedirektøren legg opp til.

Budsjettet er derfor endra med dette som bakteppe og me har prioritert:

• Tiltak som fremmar attraktivitet, rekruttering og næringsutvikling
• Fortsatt ha gode tenester og tilbod for barn og unge
• Fortsette omstillingsarbeidet Sauda 2025

VIL DU AT ASBJØRN SKAL FORTSETTA SOM ORDFØRAR NESTE PERIODE? DÅ ER SENTERPARTIET DET RETTE VALET!

Senterpartiet har i åtte år hatt ordføraren i Sauda og styrt Sauda i positiv retning i lag med dei andre partia i kommunestyret. Me ønsker å vidareføra eit godt samarbeid med andre parti og samarbeidspartnarar, selga Sauda ute i verda og skapa vekst i åra som kjem. I Senterpartiet sitt nasjonale program er partiet opptatt av å bygga samfunnet nedanfrå. Senterpartiet arbeider for eit samfunn med små sosiale, geografiske og økonomiske skilnader, med rettferdig fordeling, gode levekår og sosial tillit. Senterpartiet vil jobba for at arbeidsplassar, infrastruktur, velferdstilbod, tryggleik og moglegheiter finst over heile Noreg og med det arbeida mot sentralisering. Dette er verdiar me i Senterpartiet i Sauda legg til grunn for arbeidet vårt.